ભીંડાનું ભજન

ભીંડો રે ભીંડો, મારી થાળીનો ભીંડો,
ચીકણો ચીકણો ચોંટ્યો, જાણે સરકારી પીંડો!

સોમવારે ભીંડો, ને મંગળવારે ભીંડો,
બુધવારે ભરેલો ભીંડો, ગુરુવારે ઢીંડો;
શુક્રવારે મેં પૂછ્યું: ‘આજે?’ તો ઘરવાળી કે: ‘ભીંડો’…
ભીંડો રે ભીંડો…

બાળકો બોલ્યાં: ‘પપ્પા, આજે પિઝા મંગાવો,’
ઘરવાળી બોલી: ‘ભીંડામાં ચીઝ નાખીને ખાવો’;
ગણિત ભણે તો ભીંડાથી, ‘આંગળી જેવો ભીંડો’…
ભીંડો રે ભીંડો…

પરાગ કહે: આ ભીંડો તો આખું વરસ ઊગે,
સસ્તો, લીલો, ટકાઉ, ને બધાની થાળીએ પૂગે;
સંસાર પણ ભીંડા જેવો — ચીકણો, તો ય ના છીંડો…
ભીંડો રે ભીંડો, મારી થાળીનો ભીંડો.

– પરાગ રતનપરા