થયો છું હવે

સફરથી ઠરેલો થયો છું હવે,
ફળોથી નમેલો થયો છું હવે.

ઘણું તાપ વેઠી બપોરે, પછી
દિનાંતે ઢળેલો થયો છું હવે.

હતો પાન લીલો, ઝુલાવે પવન,
હવામાં ખરેલો થયો છું હવે.

ખભે ભાર સઘળો ઉપાડ્યો સદા,
કમરથી વળેલો થયો છું હવે.

ન ફૂલે, ન ડાળે, ન મૂળે વસું,
પરાગે ભળેલો થયો છું હવે.

– પરાગ રતનપરા

#ગઝલ #ઘડપણ #નિવૃત્તિ #શાંતિ #સમર્પણ #પરાગરતનપરા
#GujaratiGhazal #OldAge #Serenity #LifesEvening #Fulfilment #ParagRatanpara