શબરીની પ્રતીક્ષા

ઘણાં વર્ષો થયાં બેઠી, ઉઘાડું દ્વાર રાખીને,
હજી શબરી પ્રતીક્ષામાં, નયનમાં ધાર રાખીને.

ઘણા ઋષિઓ ગયા વનથી, ભણેલા જ્ઞાનનો મદ લઈ,
અભણ હું ઝૂંપડીમાં બસ હૃદયનો સાર રાખીને.

ન જાણું ક્યો દિવસ ઊગે, અને ક્યારે પધારે રામ,
દિવસ દરરોજ જીવી છું, નવો શણગાર રાખીને.

ન વાગે રામને કાંટો, ન ખૂંચે કાંકરી પગમાં,
સવારે પાંપણે વાળું, સુમનનો હાર રાખીને.

પધારે રામ પણ આખર, ભલે મોડા, ‘પરાગ’ અહીં,
તમે બેસી રહો જો પ્રેમનો બસ તાર રાખીને.

– પરાગ રતનપરા

#ગઝલ #શબરી #પ્રતીક્ષા #ભક્તિ #રામ #પરાગરતનપરા
#GujaratiGhazal #Shabari #Devotion #Waiting #Ramayana #ParagRatanpara