નથી ફ્રેમમાં

વસી તું નયનમાં, નથી ફ્રેમમાં,
રહી તું પવનમાં, નથી ફ્રેમમાં.

છબી સાવ પીળી પડી ગઈ, છતાં
હજી તું વતનમાં, નથી ફ્રેમમાં.

તને લોક માને ગયો ભીંત પર,
રમે તું ભજનમાં, નથી ફ્રેમમાં.

ચિતા પર ધુમાડો થયો દેહ, પણ
ભળી તું ગગનમાં, નથી ફ્રેમમાં.

‘પરાગે’ લખી છે ગઝલ જે તને,
હસે તું કવનમાં, નથી ફ્રેમમાં.

– પરાગ રતનપરા

#ગઝલ #સ્મરણ #તસવીર #વિયોગ #માતૃસ્મૃતિ #પરાગરતનપરા
#GujaratiGhazal #Memories #BeyondThePhotograph #Remembrance #Grief #ParagRatanpara