મહેંદી

હથેળી હતી સાવ નાની, મહેંદી
ભરી આજ એણે સુહાની મહેંદી.

હતી ઘૂંટણે ચાલતી કાલ ઘરમાં,
રચી કેમ આ રંગ, છાની મહેંદી?

હથેળી વચે નામ છે કોઈ ‘એ’નું,
કહે એક મીઠી કહાની મહેંદી.

હશે કાલ ડોલી, ઉદાસી હશે ઘર,
હસે આજ તો, ઓ મજાની મહેંદી!

પરાગે લખી’તી ગઝલ લાખ ઝીણી,
રહી એક સાચી નિશાની મહેંદી.

– પરાગ રતનપરા

#ગઝલ #દીકરી #મહેંદી #વિદાય #પિતા #પરાગરતનપરા
#GujaratiGhazal #Daughter #Mehendi #BridalFarewell #FathersHeart #ParagRatanpara