યાદ છે

એ જ શેરી, એ જ મિત્રો, એ લખોટી યાદ છે,
હાથ પર ઝીંકેલ માસ્તરની જ સોટી યાદ છે.

પાટલી આગળ હતી, ત્યાં બેસતી’તી છોકરી,
રોજ જેની ખેંચતો હું, એ જ ચોટી યાદ છે.

હાથ ધ્રૂજે, ને ગળું સૂકું, ન આવડતો જવાબ,
જિંદગીની એ પહેલી તો કસોટી યાદ છે.

ભાઈબંધો સંગ ડબ્બા ખોલતા’તા સાથમાં,
મા તણા હાથે બનેલી ગરમ રોટી યાદ છે.

આજ મોટા થઈ ગયા ને વાળ ધોળા, ઓ ‘પરાગ’,
બાળપણની એક પણ ક્યાં વાત ખોટી યાદ છે?

– પરાગ રતનપરા

#ગઝલ #બાળપણ #નિશાળ #ભાઈબંધ #સંભારણાં #પરાગરતનપરા
#GujaratiGhazal #Childhood #SchoolDays #ChildhoodFriends #Nostalgia #ParagRatanpara