તો શું?

મળી જીતમાં પણ મને હાર, તો શું?
ખભે જિંદગીનો ઘણો ભાર, તો શું?

હતી રાત કાળી, ન દીવો, ન રસ્તો,
હતો ચોતરફ ઘોર અંધાર, તો શું?

છરી પીઠ પાછળ મળી’તી ઘણી, પણ
હવે સામટો થાય છે વાર, તો શું?

કલમ પર ઉગામી ઘણાએ કટારી,
અમારી કલમને ય છે ધાર, તો શું?

પરાગે બધે મ્હેક વેરી સદાયે,
મળે શૂળ કેરો ભલે માર, તો શું?

– પરાગ રતનપરા

#ગઝલ #હિંમત #સંઘર્ષ #આશા #ખુમારી #પરાગરતનપરા
#GujaratiGhazal #Courage #Struggle #Hope #Resilience #ParagRatanpara