રામ નામની નાવ

રામ નામની નાવ રે, ભાઈ, રામ નામની નાવ,
ભવસાગર તો ઊંડો ઘણો, પણ હળવો એનો ભાવ.

નથી હલેસાં, નથી સઢ, ને નથી કોઈ ખલાસી,
શબરીનાં બોર જેવો મીઠો, બેઠો છે એ ઉદાસી;
કેવટ બોલ્યો: ‘પગ ધોવા દ્યો, પછી જ ઊતરો નાવ’…
રામ નામની નાવ રે…

તોફાનો તો આવે-જાય, ને મોજાં મારે થપાટ,
લોભ-મોહના મગર ફરે છે, ઊંડો ઘેરો ઘાટ;
એક જ નામનો દીવો ઝાલો, ઓલવાય ના એ ઠાવ…
રામ નામની નાવ રે…

પરાગ કહે: આ નાવમાં નથી રાજા-રંકનો ભેદ,
ભીલડી, કેવટ, વાનર, પંખી — સૌને એક જ વેદ;
કાંઠે પહોંચી જોયું તો ત્યાં ઊભા રઘુરાવ…
રામ નામની નાવ રે, ભાઈ, રામ નામની નાવ.

– પરાગ રતનપરા