ઓરડો

ચૂપકીથી સાંજ ટાણે છે ભરેલો ઓરડો,
રાત આવી ત્યાં સુધીમાં તો ઠરેલો ઓરડો.

એ ગયાં ને સાથ લઈ ગ્યાં ફૂલની ખુશ્બૂ બધી,
પાનખરના ઝાડ જેવો સૌ ખરેલો ઓરડો.

સાદ પાડું તો દિવાલો સાદ પાછો મોકલે,
ઘર ભરેલું લોકથી, પણ આ મરેલો ઓરડો.

એક ખીંટી પર હજી પણ શાલ એની ઝૂલતી,
હૂંફની એ યાદથી કેવો બળેલો ઓરડો!

આ પરાગે બારણું જ્યાં ખોલતાં તો લ્હેરખી,
ફૂલની ખુશ્બૂ થકી પાછો ભરેલો ઓરડો.

– પરાગ રતનપરા

#ગઝલ #એકાંત #ઓરડો #વિરહ #ખાલીપો #પરાગરતનપરા
#GujaratiGhazal #Solitude #EmptyRoom #Absence #Loneliness #ParagRatanpara