નિરાંતે

નથી દોડવું, બસ ફરીશું નિરાંતે,
હવે ઘર તરફ પણ વળીશું નિરાંતે.

ઘણાં વર્ષ ડેસ્કે ટિફિન સાવ ઠંડું,
હવે સાથ તારો, જમીશું નિરાંતે.

ગળે ટાઈ, કાંડે હતી રોજ બેડી,
હવે એ ઉતારી, તરીશું નિરાંતે.

બગીચે ઘણાં ફૂલ ખીલ્યાં વરસથી,
ન જોયાં કદી, એ ગણીશું નિરાંતે.

અધૂરી ગઝલ જે ‘પરાગે’ લખેલી,
હવે પૂર્ણ એને કરીશું નિરાંતે.

– પરાગ રતનપરા

#ગઝલ #નિવૃત્તિ #નિરાંત #દાંપત્ય #જીવનસંધ્યા #પરાગરતનપરા
#GujaratiGhazal #Retirement #SlowLiving #Companionship #LeisureYears #ParagRatanpara