મેહુલો

આભે ગાજ્યો મેહુલો, ને હૈયું મારું નાચ્યું રે,
ખેતરને ખોળે ધરતીએ લીલું કાપડું કાપ્યું રે…

ધોરિયે પાણી દોડ્યું, જાણે નાનું વાછરડું છૂટ્યું,
ભીની માટીની મ્હેકે મારું ઢાંકેલું મન ખૂટ્યું;
ખેડુએ બળદ જોડ્યા, ને ગીત હળે ગાયું રે…
આભે ગાજ્યો મેહુલો…

ઝાંઝરી પહેરી વીજળી ઊતરી ડુંગરની ધારે,
મોરલા બોલ્યા આંબાડાળે, દેડકાં તળાવ પારે;
વરસ આખાનું સપનું આજે આંખેથી ટપક્યું રે…
આભે ગાજ્યો મેહુલો…

પરાગ કહે: મેહુલો તો માવતર જેવો મોટો,
વરસે તો ઘર ઘર દાણા, ને રૂઠે તો સૌને તોટો;
હરખે ભીંજાઈ ગામ આખું ‘જય મેહુલા’ બોલ્યું રે…
આભે ગાજ્યો મેહુલો…

– પરાગ રતનપરા