ખુદા

ઘરે ભૂખ, ઓછી કમાણી, ખુદા,
અને મ્હેલમાં નિત ઉજાણી, ખુદા.

તને રાવ કીધી, હસી તું કહે:
‘ઘરેઘર સમી આ કહાણી’, ખુદા.

તને મંદિરે રોજ શોધ્યો અમે,
ખરી મૂર્તિ માની પિછાણી, ખુદા.

ચડે સ્વર્ણ તુજને, ઉઘાડા જનો,
ભલી ભક્તિ ભક્તે વખાણી, ખુદા!

પરાગે સુમનમાં તને જોઈ, ને
પછી મ્હેક સઘળી સમાણી, ખુદા.

– પરાગ રતનપરા

#ગઝલ #ખુદા #ગરીબી #મા #વ્યંગ #પરાગરતનપરા
#GujaratiGhazal #ConversationWithGod #Poverty #Mother #Satire #ParagRatanpara