ખેતરે

રાતભર એકલો જાગતો ખેતરે,
ભરબપોરે ય એ દાઝતો ખેતરે.

આભ સામે ચડાવી નજર રોજ એ,
મેઘ માટે સદા ઝૂરતો ખેતરે.

મેઘ વરસે જરા, મ્હેક માટી તણી,
મોર થઈને પછી નાચતો ખેતરે.

કરજ માથે, બિયારણ ય મોંઘાં થયાં,
તોય હિંમત ધરી ઝૂઝતો ખેતરે.

આ પરાગે લખી અન્નની આ ગઝલ,
રોજ ઈશ્વર જુઓ ઊગતો ખેતરે.

– પરાગ રતનપરા

#ગઝલ #ખેડૂત #ખેતર #વરસાદ #અન્નદાતા #પરાગરતનપરા
#GujaratiGhazal #Farmer #Farmland #Monsoon #Annadata #ParagRatanpara