કલમ

થયાં ઘર બધાં બંધ, જાગી કલમ,
ઘણી રાત વીતી, ન થાકી કલમ.

લખું પ્રેમ, ત્યાં હાથ ધ્રૂજે, સખી,
લખું દર્દ, ત્યાં દૂર ભાગી કલમ.

ઘણા રાજવીએ ખરીદી હતી,
ન વેચાઈ, ના ભીખ માગી કલમ.

નથી તીર, તલવાર, બંદૂક પણ,
છતાં બાદશાહી જ વાગી કલમ.

પરાગે ન રાખ્યાં ખજાના કદી,
ભલે પ્રાણ જાયે, ન ત્યાગી કલમ.

– પરાગ રતનપરા

#ગઝલ #કલમ #કવિતા #સર્જન #ખુદ્દારી #પરાગરતનપરા
#GujaratiGhazal #Pen #Poetry #Creativity #Integrity #ParagRatanpara