ઇશારો દે મને

ના દરશ, ના વાત, બસ ઝીણો ઇશારો દે મને,
ડૂબતો છું, તું જરા આવી કિનારો દે મને.

ભીડ છે, પણ કોઈ મારું ક્યાંય દેખાતું નથી,
તું જ આવીને હવે તારો સહારો દે મને.

આ નગરની રાત લાંબી, ને બધાં ઘર બંધ છે,
કોઈ ખૂણે રાતભરનો બસ ઉતારો દે મને.

રાખ જેવું થઈ ગયું છે મન હવે ઠંડું પડી,
ફૂંક મારી પ્રેમની, નાનો ઝગારો દે મને.

આ પરાગે ક્યાં કદી માગ્યું ગગન આખું, ખુદા,
બસ અમાસી રાત માટે એક તારો દે મને.

– પરાગ રતનપરા

#ગઝલ #પ્રાર્થના #ઇશારો #શ્રદ્ધા #આશા #પરાગરતનપરા
#GujaratiGhazal #Prayer #DivineSign #Faith #Hope #ParagRatanpara