ઘણું છે

મને એક નાનો ઇશારો ઘણું છે,
તરસને નદીનો કિનારો ઘણું છે.

નથી જોઈતો ચાંદ, આકાશ આખું,
અમાસે ય નાનો સિતારો ઘણું છે.

નથી સ્વપ્ન મોટાં, નથી લાખ ઇચ્છા,
પથિકને ય નાનો ઉતારો ઘણું છે.

ગયો દૂર પરદેશ વર્ષો સુધી, પણ
વતનનો જરા પણ નજારો ઘણું છે.

પરાગે ન માગ્યો બગીચો કદીયે,
કળીમાં જ મ્હેકી ગુજારો ઘણું છે.

– પરાગ રતનપરા

#ગઝલ #સંતોષ #સાદગી #વતન #અલ્પમાંસુખ #પરાગરતનપરા
#GujaratiGhazal #Contentment #SimpleLiving #Homeland #LessIsMore #ParagRatanpara