એ આભ ક્યાં?

પાંખ દીધી પાંજરે, પણ ત્યાં મળે એ આભ ક્યાં?
ટાવરો ઊંચા થયા, પણ જ્યાં ઢળે એ આભ ક્યાં?

ઝાડ કાપીને બનાવ્યા બાંકડા ઉદ્યાનમાં,
બેસનારાના વિચારો જ્યાં ભળે એ આભ ક્યાં?

ખાટલે હું સૂઈ ગણતો ગામમાં તારા બધા,
આ નિયોની રોશનીમાં, જ્યાં બળે એ આભ ક્યાં?

આંબલો વાવ્યો હતો મેં એક કૂંડે હોંશથી,
પણ ઘટા થઈને કદી તો જ્યાં ફળે એ આભ ક્યાં?

આ પરાગે પાંજરેથી ગીત ફેંક્યું આભમાં,
કોઈ પડઘો? ગીત પાછું જ્યાં વળે એ આભ ક્યાં?

– પરાગ રતનપરા

#ગઝલ #શહેર #પંખી #આકાશ #સ્વતંત્રતા #પરાગરતનપરા
#GujaratiGhazal #CityLife #CagedBird #OpenSky #Freedom #ParagRatanpara