દૂરથી

જરા દૂરથી હું તને રોજ ભાળું,
અડું તો વિખેરાય આ સ્વપ્ન-જાળું.

રહે તું ગગનમાં, રહું હું ધરા પર,
ઉછાળી લહર, ને ફરી જાત વાળું.

નથી ડાળથી મેં કદી ફૂલ તોડ્યું,
ગમે તોય ડાળે જ એને ય પાળું.

અધૂરી કથા એ જ સૌથી મજાની,
કહું સૌ? નહીં, મૌનમાં શબ્દ ટાળું.

પરાગે ન લૂંટ્યું કદી ફૂલનું મધ,
ગલીઓ સુગંધે બધી હું ઉજાળું.

– પરાગ રતનપરા

#ગઝલ #અંતર #પ્રેમ #સંયમ #અધૂરીકથા #પરાગરતનપરા
#GujaratiGhazal #LoveFromAfar #Restraint #UnfinishedStory #TenderLove #ParagRatanpara