દૂરથી

આપણે સંબંધ સૌ રાખ્યા નિભાવી દૂરથી,
જન્મદિન પર કેક પણ સ્ક્રીને જલાવી દૂરથી.

આખરી યાત્રાય માની સ્ક્રીન પર જોયા કરી,
ને પછી બે આંસુ, બે ફૂલો ચડાવી દૂરથી.

કોણ જઈને પાય લાગે છે વડીલોને હવે,
ને નમસ્તેની ઇમોજી બસ પઠાવી દૂરથી.

ભૂખથી રોયું પડોશે એક બાળક રાતભર,
આપણે તો લાગણીઓ સૌ વહાવી દૂરથી.

ફૂલની ફોરમ ‘પરાગે’ દૂર જાતી જોઈ, પણ
હૂંફ પણ શું કોઈએ ક્યારે લગાવી દૂરથી?

– પરાગ રતનપરા

#ગઝલ #સંબંધ #અંતર #ડિજિટલયુગ #હૂંફ #પરાગરતનપરા
#GujaratiGhazal #Relationships #DigitalDistance #ScreenLife #HumanTouch #ParagRatanpara