દીવો

હતો એક દીવો, હતો રે પવન,
બચાવ્યો અમે સો કરીને જતન.

અમાસે ભલે રાત કાળી હતી,
છતાં ઝળહળે લાખ નાનાં નયન.

હતી ઝૂંપડી પણ હતો એક દીપ,
નમે ત્યાં જ આખું ય ઊંચું ગગન.

ભલે તેલ ખૂટ્યું, ભલે વાટ પણ,
હસી જ્યોત બોલી: ‘અમર આ હવન.’

પરાગે જલાવી ગઝલની શિખા,
હવે છે ધરા-આભ એનું ભવન.

– પરાગ રતનપરા

#ગઝલ #દીવો #દિવાળી #અજવાળું #આશા #પરાગરતનપરા
#GujaratiGhazal #Diwali #LightOverDarkness #Hope #InnerFlame #ParagRatanpara