બપોર

આભથી અંગાર વરસે, આ ધરા પણ લાલ છે,
ઝાડ નીચે છાંયડો પણ આજ તો બેહાલ છે.

ખેતરે છે ખેડુ ઊભો તાપમાં ખુલ્લા શિરે,
સ્વેદની છે પાઘડી ને ધૈર્યની એ ઢાલ છે.

ઠંડકે બેસી કચેરીમાં કહે સાહેબ, ‘ભાઈ,
લૂ નથી, એ તો તમારો માનસિક બસ ખ્યાલ છે!’

લીમડાની છાંય, માટીના ઘડાનું શીત જળ,
ગામનો આ રંક પણ તો આમ માલામાલ છે.

આ પરાગે આશની ઓઢી ગઝલ ને રાહ જોઈ,
સૂર્ય આથમશે, પછી તો ચાંદનીની ચાલ છે.

– પરાગ રતનપરા

#ગઝલ #ઉનાળો #બપોર #ખેડૂત #ગામડું #પરાગરતનપરા
#GujaratiGhazal #Summer #ScorchingNoon #Farmer #VillageLife #ParagRatanpara