આંખો મળી

ચકડોળ ફરતું’તું, અને ફરતી હવા, આંખો મળી,
ઢોલે ઢબૂકી રાત ને નાચી દિશા, આંખો મળી.

બોલ્યા નહીં, ના હાથ ઝાલ્યો, ના કશું ઝાઝું થયું,
બસ એક ક્ષણમાં જિંદગીની સૌ કથા, આંખો મળી.

હું ગામ છોડી ગ્યો, વરસ વીત્યાં, થયા ધોળા ય વાળ,
પાછો ગયો મેળે ફરી, ને એ છટા, આંખો મળી.

શરણાઈ ગાજી, ઢોલ ગાજ્યા, ને સજી ડોલી પછી,
ઘૂંઘટ ઉઠાવ્યો, ને ફરી પ્હેલી દફા આંખો મળી.

આ વાત બોલે ના કદી, સમજી શકે એને પરાગ:
ખીલી કળી, ઝૂક્યો ભ્રમર, મલકી લતા, આંખો મળી.

– પરાગ રતનપરા

#ગઝલ #પ્રથમનજર #પ્રેમ #મેળો #લગ્ન #પરાગરતનપરા
#GujaratiGhazal #LoveAtFirstSight #VillageFair #EyesMet #Romance #ParagRatanpara