યાદમાં

આંખ ભીની મુલાકાતની યાદમાં,
ટેરવાં ઝણઝણે હાથની યાદમાં.

હું અગાસી પરે રોજ જાગ્યા કરું,
ચાંદની ઓઢતી રાતની યાદમાં.

કાન સરવા કરી સાંભળું રાતભર,
એ અધૂરી રહી વાતની યાદમાં.

ના ફરી એ ગલી, ના ફરી તું કદી,
ધ્રાસકો રોજ આઘાતની યાદમાં.

આ પરાગે ગઝલ આ લખી છે, સખી,
શબ્દની એ જ સૌગાતની યાદમાં.

– પરાગ રતનપરા

#ગઝલ #પ્રેમ #યાદ #પહેલીમુલાકાત #વિરહ #પરાગરતનપરા
#GujaratiGhazal #FirstLove #Memories #MoonlitRoof #Heartbreak #ParagRatanpara