સરખા થયા

રાય ને રંકો બધાયે રાખમાં સરખા થયા,
ચીંથરાં ને શાલ, બંને ખાખમાં સરખા થયા.

કોઈને ચંદન ચિતામાં, કોઈને બાવળ, છતાં
ધૂમ્ર થઈને આભની એ આંખમાં સરખા થયા.

માન, પદવી, ને ખિતાબો, સૌ અહીં છૂટી ગયાં,
ફૂલ ને કાંટા ખરી વૈશાખમાં સરખા થયા.

એક ગાડીમાં ગયો, બીજો ઉઘાડા પગ ગયો,
સો કમાયા કે પછી એ લાખમાં સરખા થયા.

પાંખડી ખરતાં, પરાગે, સૌરભે પૂછ્યું નહીં,
આકડો કે મોગરો, એ આંખમાં સરખા થયા.

– પરાગ રતનપરા

#ગઝલ #મૃત્યુ #સમાનતા #સ્મશાન #નશ્વરતા #પરાગરતનપરા
#GujaratiGhazal #DeathTheEqualizer #Mortality #RichAndPoor #Impermanence #ParagRatanpara