પડાવ

બધે દોડ, ચિંતા, બધે બસ તણાવ,
ન છાંયો, ન વિશ્રામ, ના કો’ પડાવ.

હતા ઓળખીતા, હતો સ્નેહ પણ,
હવે ઓળખાણો, ન દિલનો લગાવ.

દવા ઊંઘની રોજ લેવી પડે,
નથી ઊંઘ, ખોયો અમે એ સ્વભાવ.

સવારે ઉઠી ફોન જોવો પ્રથમ,
પછી બોસનો રાતદી’ છે દબાવ.

પરાગે કહી વાત: બેસો ઘડી,
હવા, ફૂલ ને ગીતમાં છે બચાવ.

– પરાગ રતનપરા

#ગઝલ #તણાવ #શહેરીજીવન #અનિદ્રા #કુદરત #પરાગરતનપરા
#GujaratiGhazal #Stress #UrbanLife #Insomnia #NatureHeals #ParagRatanpara