ઓસરી

હતું ઘર, હતી માં, હતી ઓસરી,
હતાં ટેરવાં ને હતી બાજરી.

હવે ફ્લેટ, લિફ્ટો, ઝરૂખા ઘણા,
નથી માટલું કે નથી ગાગરી.

હજી ગામની એ ગલી ગુંજતી,
હતી બેનડી, ને હતી ઝાંઝરી.

કમાયા ઘણું પણ ગુમાવ્યું બધું,
મળી નોકરી ને મળી ચાકરી!

પરાગે ભલે ઊડવું દૂર પણ,
ઠરે છે ધરામાં જ આ આખરી.

– પરાગ રતનપરા

#ગઝલ #ઓસરી #માનીયાદ #ગામડું #વતનઝુરાપો #પરાગરતનપરા
#GujaratiGhazal #Nostalgia #MothersTouch #VillageMemories #RootsAndHome #ParagRatanpara