ન્યાલ છે

તું મળી ત્યાંથી અમારી આજ ઝોળી ન્યાલ છે,
રંગ ના, તોયે રમાતી રોજ હોળી, ન્યાલ છે.

ઓરડી નાની અને ભીંતે તિરાડો, તોય પણ
બાળકો સૌ ખેલતાં ત્યાં એક ટોળી, ન્યાલ છે.

દેશ છોડી દૂર વસ્યા, તોય ઘરમાં આજ પણ
દીકરાની જીભ પર આ માત-બોલી, ન્યાલ છે.

વર્ષગાંઠે ભેટ પણ ભૂલ્યો, ન લાવ્યો ફૂલ પણ,
તોય હસતી એ, બિચારી સાવ ભોળી, ન્યાલ છે.

આ પરાગે ફૂલ-ડાળે જિંદગી કાઢી બધી,
ને વિદાયે વાયરાની એક ડોળી, ન્યાલ છે.

– પરાગ રતનપરા

#ગઝલ #સંતોષ #દાંપત્ય #માતૃભાષા #સુખ #પરાગરતનપરા
#GujaratiGhazal #Blessed #RichInLove #MotherTongue #SimpleJoys #ParagRatanpara