નિભાડે મૂક

મધુર લાગે ભલે, મીઠા દિલાસાને નિભાડે મૂક,
ખરું ખોટું જવા દે, તું ભરોસાને નિભાડે મૂક.

કહે છે સૌ: ‘અમે તારા, અમે તારા સદા’, પણ તું
પડે વિપદા, પછી એ સૌ ખુલાસાને નિભાડે મૂક.

ઘડો કાચો રહી જાશે, ભલે રંગો ચડાવો, પણ
ઘડાની જેમ જીવનના તમાશાને નિભાડે મૂક.

અહીં શબ્દો મળે સસ્તા, મળે તાળી ય સસ્તામાં,
પ્રશંસાના ઢગેઢગ આ પતાસાને નિભાડે મૂક.

પરાગે ફૂલ ખીલ્યું’તું ભરેલા જેઠની લૂમાં,
સુગંધી જો થવું હો તો, પિપાસાને નિભાડે મૂક.

– પરાગ રતનપરા

#ગઝલ #ભરોસો #પરખ #જીવનબોધ #સંઘર્ષ #પરાગરતનપરા
#GujaratiGhazal #TrialByFire #Trust #LifeLessons #Authenticity #ParagRatanpara