ક્યાં મળે?

કાચનાં આ જંગલોમાં આજ ઝાકળ ક્યાં મળે?
વાંચતાં ભીંજાય આંખો, એક કાગળ ક્યાં મળે?

રાતની એ વારતામાં ભૂત ઝૂલે ડાળ પર,
છાંયડે બેસી કહે જે વાત, પીંપળ ક્યાં મળે?

બાપુ ઝૂલે હીંચકે ને હું હતો ખોળે અને
ઓસરીમાં ગીત ગાતી એ જ સાંકળ ક્યાં મળે?

એ નદીઓ તો હવે બસ નામ છે નકશે ઉપર,
ઘાટ સૂના, રેત ઊડે, એ જ ખળખળ ક્યાં મળે?

યંત્રની ઠંડક ઘણી ને બંધ બારી છે, પરાગ,
આંખ ભીની થાય એવું એક વાદળ ક્યાં મળે?

– પરાગ રતનપરા

#ગઝલ #ગામનીયાદ #બાળપણ #શહેરીજીવન #ઝુરાપો #પરાગરતનપરા
#GujaratiGhazal #Nostalgia #VillageMemories #UrbanLife #LostThings #ParagRatanpara