કદાચ

ફરી એ ગલીમાં જવાશે કદાચ,
ફરી એક વેળા મળાશે કદાચ.

તને યાદ કરતો રહું રાતભર,
પછી એ જ રીતે ભુલાશે કદાચ.

નજર તો ઝુકાવી દઉં હું ભલે,
ધડકતું હૃદય પણ છુપાશે કદાચ?

હતું બાળપણ, ને હતી ધૂળ પણ,
કદી ખેલ એ પણ રમાશે કદાચ.

પરાગે હજી મ્હેકવું છે ઘણું,
ખરીને ય થોડું જિવાશે કદાચ.

– પરાગ રતનપરા

#ગઝલ #આશા #મિલન #સ્મૃતિ #શક્યતા #પરાગરતનપરા
#GujaratiGhazal #Perhaps #HopeToMeet #Memories #Possibility #ParagRatanpara