ઝળહળે

તું પધારે ને અચાનક આજ ઉંબર ઝળહળે,
ભીંતને પણ આંખ ફૂટે, ને બધું ઘર ઝળહળે.

રાતભર દીવો જલાવી રાહ જોતી હું રહી,
તું ન આવ્યો, તોય આંખે રોજ મંજર ઝળહળે.

સ્પર્શ તારો એમ લાગ્યો જિંદગીને, શું કહું?
દીપ આવે આરતીનો, દેવ-પથ્થર ઝળહળે.

રાત અંધારી હતી, તોયે ન ડર લાગ્યો મને,
આંખમાં તારી સદાયે દીપ અંદર ઝળહળે.

આ પરાગે ગીત લખ્યું આંગણાની ધૂળમાં,
આજ પણ એ ગીતનો એકેક અક્ષર ઝળહળે.

– પરાગ રતનપરા

#ગઝલ #પ્રેમ #પ્રતીક્ષા #અજવાળું #મિલન #પરાગરતનપરા
#GujaratiGhazal #LoveGlow #Waiting #BelovedsArrival #Radiance #ParagRatanpara