જમણ

સૂરતીની એક ઇચ્છા: ઘી તળેલું જમણ છે,
ભૂખ ના હો, તોય થાળી પર ભરેલું જમણ છે.

ડૉક્ટરે કીધું: ‘જરા પરહેજ રાખો, ઓ ભલા!’
હું કહું: ‘સાહેબ, ચૂલે તો ચડેલું જમણ છે!’

હોંશથી વહુએ બનાવ્યાં ભોજનો તો પ્રેમથી,
સૌ વખાણે ખાઈ, જો કે આ બળેલું જમણ છે.

લગ્નમાં ‘બૂફે’ હતું, લાંબી કતારે સૌ ખડા,
હાથમાં થાળી પડી, ત્યાં તો ઠરેલું જમણ છે.

આ પરાગે હોટલોમાં ખૂબ ચાખ્યું, તે છતાં
બા ધરે જે હેતથી, બસ એ મળેલું જમણ છે.

– પરાગ રતનપરા

#ગઝલ #હાસ્ય #સુરતીજમણ #ખાણીપીણી #બાનાહાથનું #પરાગરતનપરા
#GujaratiGhazal #FoodHumour #SuratiFoodie #GujaratiThali #MomsCooking #ParagRatanpara