જાગ તું

ઊંઘમાં છે બધા, ચેતના, જાગ તું,
રાતભર જે રમી, કલ્પના, જાગ તું.

ખેતરે ભૂખ છે, ઝૂંપડે ઝેર છે,
રાજ્યની સુપ્ત સંવેદના, જાગ તું.

કૂખમાં દીકરી, ને છરી હાથમાં,
ઓ જનેતા! ભલી ભાવના, જાગ તું.

દેવળે ઘંટ છે, ભૂખ છે દ્વાર પર,
ઊંઘતી મંદિરે પ્રાર્થના, જાગ તું.

આ ‘પરાગે’ લખી ફૂલની પાંદડી:
‘ઓ કળી, ઓ નવી કામના, જાગ તું.’

– પરાગ રતનપરા

#ગઝલ #જાગૃતિ #ચેતના #સમાજ #સંવેદના #પરાગરતનપરા
#GujaratiGhazal #Awakening #Conscience #SocialAwareness #Compassion #ParagRatanpara