હતું બચપણ

ન યાદોનો, ન ચિંતાનો, જગત નાનું, હતું બચપણ,
હથેળીમાં સમાતું'તું ગગન, છાનું હતું બચપણ.

ગણિતની નોટના પાછળ, હતો સૂરજ, હતાં ઝાડો,
કલમથી રંગતો છેલ્લું ઘણું પાનું, હતું બચપણ.

લખોટી, શંખ, ને પીંછું, ભમરડો ને વળી સિક્કા,
ખજાનો એ ભરેલું'તું ગુપત ખાનું, હતું બચપણ.

વરસતો મેહ, ને નાગા પગે દોડ્યા અમે સૌએ,
ન છત્રી કે ન ઠપકો, ખૂબ દીવાનું હતું બચપણ.

પરાગે ફૂલથી પૂછ્યું, ‘ગયો ક્યાં એ સમય મારો?’
કહે: ‘ગાતું, મધુર, ને સાવ મસ્તાનું હતું બચપણ.’

– પરાગ રતનપરા

#ગઝલ #બાળપણ #સ્મૃતિ #નિર્દોષતા #રમત #પરાગરતનપરા
#GujaratiGhazal #Childhood #Innocence #Nostalgia #CarefreeDays #ParagRatanpara