ગુલાબી

હતી પત્રમાં સાવ વાતો ગુલાબી,
પછી જાગરણમાં જ રાતો ગુલાબી.

હજી એ જ નાકે, હજી એ જ ખૂણે,
હજી ત્યાં પવન રોજ ગાતો ગુલાબી.

ભલે વાળ ધોળા, ભલે ગાલ ઢળતા,
હજી સાંજ પડતાં પ્રભાતો ગુલાબી.

ગુલાબો ભલે પુસ્તકે સાવ સૂક્યાં,
હજી પાનનો એક નાતો ગુલાબી.

પરાગે તને જ્યાં પ્રથમ વાર જોયા,
હૃદય પર થયા એ જ ઘાતો ગુલાબી.

– પરાગ રતનપરા

#ગઝલ #પ્રથમપ્રેમ #પ્રેમપત્ર #યાદ #ગુલાબ #પરાગરતનપરા
#GujaratiGhazal #FirstLove #LoveLetters #Nostalgia #Roses #ParagRatanpara