દવા જેવું

હતું સૌ ઝેર જીવનમાં, હસું તારું દવા જેવું,
થયું આ દર્દ પણ આખર મને પ્યારું દવા જેવું.

તબીબોએ લખી ગોળી, ઘણાં ઇન્જેક્શનો આપ્યાં,
છતાં બાએ કહેલું કે ‘બધું સારું’, દવા જેવું.

ઉદાસીના પહાડો પર ઝરણનો એક ખળખળ સ્વર,
સુણી ત્યાં તો થયું મનને ઘણું ન્યારું, દવા જેવું.

હૃદયમાં ભીંસ ડૂમાની, બધી રાતે સહી, ને જ્યાં
પરોઢે ગાલ પર સૂકું, ભલે ખારું, દવા જેવું.

પરાગે દર્દને પણ ગીત ગઝલોમાં સજાવ્યું છે,
પરાયું દર્દ પણ લાગે હવે મારું, દવા જેવું.

– પરાગ રતનપરા

#ગઝલ #પ્રેમ #દર્દ #મા #ઉપચાર #પરાગરતનપરા
#GujaratiGhazal #LoveAsMedicine #HealingPain #MothersWords #Catharsis #ParagRatanpara