છૂંદણું

ગયું રૂપ, ને પ્રેમનું છૂંદણું,
હજી હાથમાં નેમનું છૂંદણું.

ગયાં ઝાંઝરાં, બંગડી ને કડી,
હવે માત્ર એ ક્ષેમનું છૂંદણું.

ઘરેણાં ગયાં વેચવામાં બધાં,
ન વેચાય, એ હેમનું છૂંદણું.

જુએ બા, નવું ચિત્ર પૌત્રી કને,
હસીને કહે: ‘ગેમનું છૂંદણું!’

‘પરાગે’ લખી જે ગઝલ, એ જુઓ,
બધા શબ્દ પર એમનું છૂંદણું.

– પરાગ રતનપરા

#ગઝલ #છૂંદણું #દાદી #પ્રેમ #પેઢીઓ #પરાગરતનપરા
#GujaratiGhazal #Tattoo #GrandmothersLove #Generations #EternalMarks #ParagRatanpara