બાપુ

તમારી જ તસવીર નોટે ગમે, બાપુ,
ચડે હાર, નેતા બધા ત્યાં નમે, બાપુ.

તમે સત્ય કીધું, અહિંસા કહી, પણ
હવે જૂઠ-હિંસા થકી સૌ રમે, બાપુ.

દિવસભર ઉપોષણ કરે મંચ પર જે,
અરે, સાંજ પડતાં ઘરે જઈ જમે, બાપુ.

તમારાં ગરીબો હજી ત્યાં જ ઊભાં,
હજી ભૂખ ને ટાઢ એ સૌ ખમે, બાપુ.

પરાગે ધરી ફૂલ-માળા ચરણમાં,
તમારા વચનથી જ ઝઘડા શમે, બાપુ.

– પરાગ રતનપરા

#ગઝલ #ગાંધીજી #વ્યંગ #રાજકારણ #સત્યઅહિંસા #પરાગરતનપરા
#GujaratiGhazal #Gandhi #PoliticalSatire #TruthAndNonviolence #Bapu #ParagRatanpara