અમાસનો દીવો

ન ચાંદો, ન તારા, ન આરો અમાસે,
બળે એક દીવો, સહારો અમાસે.

ભલે વાટ નાની, ભલે તેલ થોડું,
છતાં જ્યોત ઝૂઝે હજારો અમાસે.

નથી પૂછતો એ કશું કોઈ ઘરને,
બધાને દિયે છે ઉતારો અમાસે.

ગયાં બા, છતાં ગોખમાં એક દીવો
હજી એ જ દેતો ઇશારો અમાસે.

પરાગે ગઝલને જલાવી જરા ત્યાં,
બની એ ગગનનો સિતારો અમાસે.

– પરાગ રતનપરા

#ગઝલ #અમાસ #દીવો #અજવાળું #માનીયાદ #પરાગરતનપરા
#GujaratiGhazal #NewMoonNight #LampOfHope #LightInDarkness #MothersMemory #ParagRatanpara